Vjollca Asllani, 52 vjeç, u martua në vitin 1985 me Sokol Hasanin 55 vjeç sot, nga Tirana. Nga martesa e tyre erdhën në jetë dy fëmijë, një djalë që sot është 29 vjeç dhe një vajzë 25 vjeçe aktualisht, e cila po ashtu ka krijuar familjen e saj.
Para 14 vitesh në një treg ku Vjollca shkonte për të blere njeh Vexhi Xhudën, 53 vjeç sot. Ndërkohë Vexhi Xhuda kishte një familje tjetër dhe kishte dy vajza dhe dy djem. Ai është nga Kukësi, por jeton në Kamëz. Nga kjo lidhje jashtëmartesore erdhi ne jetë një djalë, cili është 11 vjeç sot , Violtin. Gjatë kësaj kohe Vjollca dhe Sokoli kishin shumë konflikte dhe nuk shkonin mirë me njëri-tjetrin derisa në vitin 2014 u divorcuan.
Ndërkohë në emisionin ‘Pa Gjurmë’ Vjollca ka thënë se nuk është penduar për tradhtinë që i ka bërë bashkëshortit. Më pas ajo shprehet se ish-burri e kërcënon dhe i kërkon llogari.
“Ai më kërkon llogari ende. Nuk kam ç’të bëj, një korridor na ndan. Unë punoj kamariere nuk kam orar kur kthehem, ai më kërkon llogari. Dhunë kështu me dorë nuk ka ushtruar, por dhunë psikologjike, jam e detyruar t’i jap llogari.” ka thënë ndër të tjera ajo.
“Tashmë as nuk e dua fare. As nuk dua t’ia di fare. Kam fëmijët e mi. Nuk jam penduar për tradhtinë. Por tashmë e urrej”, ka thënë më pas ajo.
Lidhur me Vexhi Xhudën, Vjollca thotë se ai i kishte bërë shumë premtime, por nuk ka mbajtur asnjë dhe është larguar përfundimisht.
Djali tani ka mbetur pa atësi. Vjollca ka treguar edhe një detaj prekës teksa fëmija i kishte dërguar një letër babait të tij.