Pak ditë pasi festoi atë që do të ishte 51-vjetori i babait të saj të ndjerë, Lori Hoxha po feston ditëlindjen.
Sot ajo mbush plot 26 vjeç dhe ditëlindja e ka gjetur në një vend super special, në Muzeun e Luvrit duke shijuar bukurinë e Monalizës.
Ajo ka publikuar fotot nga muzeu, ndërsa e shoqëron postimin me një dedikim për kohën që ikën dhe falenderimet për njerëzit që i kanë qëndruar pranë.
“Ky vit i fundit më ka ndryshuar në shumë mënyra dhe jam shumë mirënjohëse që jam gjallë për të parë një vit tjetër, që kam shansin të dua njerëzit që dua edhe më shumë, për të korrigjuar gabimet dhe për të bërë të reja dhe për të punuar me veten ndërkohë që po përpiqem të jetoj jetën më të mirë. Mirënjohëse për këdo që më ndihmoi të bëhem gruaja që jam sot”, shkruan Lori.
