Duket se mes dy liderëve kryesorë politikë në vend, kryeministrit Edi Rama dhe kreut të PD-së Lulzim Basha beteja politike vijon në rrjetet sociale me deklarata të njërës palë apo tjetrës për negociatat.
Teksa Rama e vuri Bashën përballë fjalëve të Zaev lidhur me përgjegjësinë për moshapjen e negociatave dhe Basha nuk mbetet pas. Ai i përgjigjet kryeministrit me fjalët e Merkel dhe Macron.
“Megjithë lojërat e Ramës për tu fshehur pas propagandës, të gjithë e shohin me sy të vërtetën. Ai dështoi të na afrojë me Europën, siç dështoi të përmirësojë ekonominë dhe të luftojë korrupsionin. Shqipëria e meriton hapjen e negociatave. Shqiptarët meritojnë më të mirën. Për fat të keq ka një njeri që e pengon këtë rrugë. Europa e refuzoi, tani është koha ta refuzojnë shqiptarët”, shkruan Basha.
