Ushtarët amerikanë do të zhvendosen në pjesë të ndryshme të Sirisë përpara rikthimit në atdhe. Njoftimi erdhi nga presidenti, Donald Trump, i cili tha se dëshiron largimin e të gjithë ushtarëve nga Siria. Megjithatë kërkesa e tij duket se nuk do të plotësohet.
Sekretari amerikan i mbrojtjes, Mark Esper, njoftoi se Pentagoni po konsideron mbajtjen e disa trupave në afërsi të zonave të naftës, në mënyrë që terroristët e ISIS të mos përfitojnë.
Gjatë një mbledhje kabineti në Shtëpinë e Bardhë, Trump tha se pjesa më e vështirë e punës së tij është përballja me familjarët e ushtarëve të rënë.
“Do të ishte më e lehtë për mua t’i lija ushtarët në Siri dhe ata të vazhdonin të vdisnin”, u shpreh Trump duke premtuar se një gjë e tillë nuk do të ndodhë.