Në gusht të këtij viti, Jonida Vokshi paralajmëroi largimin nga “Digitalb”, duke shprehur publikisht mirënjohjen për stafin që e ndihmoi në rrugëtimin e saj. Ajo tregoi se disa projekte në rrafshin profesional dhe personal e shtynë që të merrte këtë vendim kaq të vështirë.
Në fakt Jonida bëri me të vërtetë një hap të madh në jetën e saj, duke qenë se në shtator kurorëzoi dashurinë me producentin e aktorin nga Kosova, Besnik Krapi. Ndërkohë së fundmi Vokshi ka zbuluar projektin më të ri profesional, i cili duket se është mjaft i rëndësishëm për të. Jonida ka treguar ditën e sotme se është bërë pjesë e platformës ‘online’ për video, “Gjirafa Video”. Në këtë platformë janë publikuar të gjitha seritë e serialeve më të njohur në Kosovë, telekomedive, emisione dhe filma. Jonida është shprehur shumë e kënaqur që i është dhënë mundësia të bëhet pjesë e saj, pa zbuluar konkretisht se çfarë roli do të ketë aty. Ajo ka treguar se për këtë projekt ka punuar shumë dhe është mjaft entuziaste.