“Djali im është rrëmbyer. Më kanë kërkuar si këmbim 32 mijë euro për ta lënë të lirë. Ndryshe do e vrasin”. Janë këto fjalët e një nëne që i është drejtuar policisë për rrëmbimin e një 23-vjeçari në Torino.
Por e vërteta ishte diçka tjetër. Djali, i ndihmuar nga miqtë e tij kishte sajuar rrëmbimin për të marrë paratë. Por karabinierët e zbuluan planin e të rinjve të cilët tashmë janë në akuzë.
Nëna e alarmuar kishte marrë në telefon policinë për një telefonatë që i kishte ardhur ku i thanë se i kanë rrëmbyer djalin. Madje, gruas iu dërguar dhe foto në WhatsApp ku tregonin djalin të lidhur me kërcënimin se do e vrisnin nëse nuk paguante.