Deputeti Kujtim Gjuzi ka bërë publike faktin që është kërcënuar me jetë.
Në një status në rrjetet sociale, deputeti shkruan se i vijnë shumë mesazhe kërcënuese në numrin e tij të telefonit ku i shkruajnë se do ta tërheqin zvarrë.
Më tej Gjuzi thekson se teksa ndodhet në lavazh në Nikël të Fushë Krujës dëshiron t’u përcjellë një mesazh të gjithë atyre që e kërcënojnë.
Në statusin e tij, Gjuzi shkruan se nuk u trembet kërcënimeve me tërheqje zvarrë dhe se ai funksionon me ligj e të drejtë zakonore.
“Jan nip i Bejlerëve të Petrelës dhe nip Kruje,”– shprehet ndër të tjera Gjuzi.