Ish-deputetja socialiste Enkelejda Shamku (Shkreli) ka dalë në mbrojtje të kurdëve ndaj të cilëve ka nisur edhe një ofensivë e ushtrisë turke brenda territorit sirian. Përmes një postimi në facebook, ish-deputetja e cila ka bashkëshortin zv/ ministër të Transporteve në qeverinë “Rama”, kritikon jo vetëm evropën për heshtjen ndaj kësaj ofensive, por edhe amerikanët duke i ironizuar” Ore puset të kemi mirë neve, pa njerëzve mund t’u bëjmë edhe naftën po të kemi top puset!”.
Postimi i plotë:
Edhe njëherë për kurdët dhe Erdoganin
1. Orban (besoj ia njihni mendjen) përgëzoi Erdoganin për ofensivën ndaj kurdëve. Bukur o posi, ku ka më mirë se me t’rrahë shpatullat Orbani…
2. Si pasojë e sulmit të Erdoganit ndaj kurdëve, disa kampe (ku ka edhe shqiptarë) kanë rënë sërish nën kontrollin e ISIS, dhe aty po nisin gjygjet çnjerëzore. Rrofsh pashà që lufton ata që luftojnë kundër atyre që luftojnë kundër paqes së qytetërimeve! Ekuacionin zgjidheni vetë. Ndërkohë Europa e Bataclanit, e Stokholmit, e Brukselit, e Londrës, e Mynhut, që iu ka ardhë shpesh kobi i bombave me gozhdë te dera, hesht për kurdët… Mirë o posi…!
3. Amerika njofton se do zhvendosë ushtrinë në verilindje të Sirisë për të garantuar paprekshmërinë e…. Puseve të Naftës! Ore puset të kemi mirë neve, pa njerëzve mund t’u bëjmë edhe naftën po të kemi top puset!!!
#MEKURDËTDHEMEQYTETËRIMIN / tirananews.al