Aktorja e njohur meksikane Anahi u bë shumë e famshme në Shqipëri gjatë viteve 2000 me rolin e saj si “Mia” në telenovelën “Rebelët”. Sot Anahi është 36-vjeç, është e martuar dhe së shpejti do bëhet nënë për herë të dytë.
Lajmin e bukur e dha vetë aktorja me një postim në rrjete sociale ku tregonte barkun e rrumbullakosur, e veshur me fustan të bardhë, duke pozuar për revistën “Quien”.
Aktorja mori urime të shumta nga fansat, por edhe nga aktorë të njohur si Angelique Boyer (Teresa), Christian Chavez (Xhovani tek Rebelët) etj.
Anahi është e martuar që prej vitit 2015 me politikanin e Partisë së Gjelbër, Manuel Velasco Coello dhe kanë një djalë.
