Pas takimit një ditë më parë mes kryeministrit Rama dhe homologut grek, Kyriakos Mitsotakis, qeveria ka bërë publik VKM-në ( Vendimin e Këshillit të Minsitrave) në të cilën bëhet me dije aktivizimi i një komisioni të Posaçëm për administrimin e ujërave ndërkufitarë.
Duket se kryeministri Rama po bën një hap para për marrëveshjen e detit me Greqinë, ose siç e cilëson kryeministri grek, caktimin e zonës ekonomike në Detin Jon.
VKM- e publikuar sot dhe që botohet në fletoren zyrtare, tregon se po aktivizohet komisioni për administrimin e ujërave ndërkufitare, administrimin e marrëdhënieve me shtetet kufitare, bazuar në ligjin shqiptar, marrëveshjet ndërkombëtare, konventat dhe protokollet e nënshkruara nga Shqipëria. Ky vendim është marrë sot, në mbledhjen e qeverisë dhe njoftohet se Komisioni përbëhet nga shtatë zëvendësministra në total me kryetar një zëvendësministër, por nuk bëhet me dije pasi aktualisht janë dy: Etjen Xhafaj dhe Sokol Dedja.
