Situata e ditës së sotme në territorin e bashkisë Pukë përsa i përket kushteve
të motit paraqitet e permirësuar, kështu deklarojnë zyrtarët e kësaj njësie
vendore. Sipas tyre në qytetin e Pukës nuk ka munguar energjia elektrike dhe
shkollat kanë nisur procesin mësimor normalisht. Zyrtarët lokal u shprehën se
nuk ka patur emergjenca shëndetësore, ndërkohë rrugët rurale në 80 % të tyre
janë hapur pavarësisht se trashësia e dëborës i kalon 80 cm.
Mësohet se edhe në njësinë administrative Gjegjan situata po shkon drejt përmirësimit përsa i përket furnizimit me energji elektrike, vijimit të mësimit, po punohet për hapjen e rrugëve rurale në të gjithë territorin. Në Qelës sipas bashkiakëve shkollat janë hapur por numri i nxënësve është i reduktuar. Edhe në njësitë Luf-Qerret e Rrape punohet me mjete të bashkisë dhe Ministrisë së Mbrojtjes për normalizimin e gjendjes së krijuar nga reshjet e fundit të dëborës.