Një tornado e fuqishme ka goditur në qytetin e Kallamatës në Greqi ditën e djeshme duke shkaktuar dëme të shumta financiare.
Fatmirësisht tornado nuk ka kaluar në zonën e banuar të qytetit, por ka goditur një fabrikë dhe disa ndërtesa të tjera industriale duke i shkatërruar thuajse plotësisht. Mediat greke raportojnë për dëme të shumta financiare, por fatmirësisht pa dëme në njerëz.
Në videon më poshtë duket fuqia e madhe e tornados që shkatërron ndërtesën madje raportohet se ka ngritur në ajër edhe makinat që ndodheshin në parking.