Nga data 1 janar 2019, Ministria e Brendshme ka shpenzuar mbi 60 mijë dollarë për blerje biletash me qëllim udhëtime jashtë vendit.
Personat në llogari të të cilëve janë prenotuar biletat e këtyre udhëtimeve, është vetë ministri i Brendshëm Sandër Lleshi apo edhe zyrtarë të tjerë të lartë të ministrisë së Brendshme.E përfshirë në këto shpenzime mund të ketë qenë edhe udhëtimi i Lleshit për në Bejrut, aty ku nxitoi të bënte një foto për propagandë me djaloshin shqiptar të shpëtuar nga puna e palodhur e gazetarëve italianë.
Është vetë drejtoresha e Open Data, Aranita Brahaj e cila nëpërmjet një statusi ka bërë thirrje për reflektim, ngjarje e shëmtuar për të cilën ne si popull duhet të kërkojmë llogari dhe të ngremë pyetjen: A jemi dakord që ministri i Brendshëm të udhëtojë në Bejrut me taksat tona për foto-propagandë?
“Kush e pagoi biletën e z. Lleshi për Bejrut. A janë dakord taksapaguesit të kontribuojnë që ministri të udhëtojë për Foto-Propagandë?Nga 1 janari e deri sot Ministria e Brendshme ka paguar përmes thesarit për axhensi për transport ajror shumë prej 6.25 milionë lekë (me shume se 60 mijë usd) si Udhëtime Jashtë Vendit. Në shumicën e rasteve këto janë udhëtime të ministrit dhe zyrtarëve nivel i lartë, shpenzime të aparatit të ministrisë dhe jo të Policisë së Shtetit. Mes tyre duhet të jetë edhe pagesa për biletën e Ministrit Tiranë-Bejrut për një Foto Promocionale (propagandistike) me Alvin.”-shkruan Brahaj.
