Prej kohësh i është larguar ekranit, por Zhaku vazhdon të mbahet mend si vajza që bënte bujë me deklaratat e saj e që tërhiqte vëmendjen në çdo dalje televizive. Zhaku, emri i vërtetë i të cilës është Inida, prej vitesh tashmë jeton në Gjermani.
Në vitin 2017, këngëtarja dhe prezantuesja dha lajmin e bukur se ishte martuar duke pozuar me bashkëshortin gjerman, e veshur me fustan të zi dhe buqetën me lule në dorë.
Por, në statusin e saj në Facebook, Zhaku ka vendosur statusin ‘single’ (beqare), ç’ka na bën të dyshojmë për një ndarje. Megjithatë artistja vazhdon të mbajë ende mbiemrin e bashkëshortit në profilin e saj dhe gjithashtu fotot me të nuk i ka fshirë.
