Ndarja ose jo e Rudina Dembacajt nga bashkëshorti është komentuar gjatë në median rozë, po vetë aktorja dhe moderatorja e “Mos i fol shoferit” nuk ka dashur të flasë për këtë çështje, as duke e mohuar dhe as duke e konfirmuar.
Por e ftuar këtë të mërkurë në “Wake Up”, ajo ka vendosur të flasë duke konfirmuar se është në proces divorci me Aleksin, por kanë respekt për njëri-tjetrin.
“Jemi në procedurë divorci, por unë dhe Aleksi kemi një mrekulli që quhet Viktoria. Kemi respekt për njëri-tjetrin. është e vërtetë që po divorcohemi”, ka konfirmuar Rudina.
Ajo tha se divorci i tyre ka qenë me marrëveshje dhe është dokumentuar në letra me mirëkuptim. “Padiskutim ndarja e një familje nuk është e lehtë. Nuk e kisha menduar, sepse askush nuk futet në një marrëdhënie për t’u ndarë. Ka qenë një nga periudhat më të vështira të jetës sime dhe jam munduar që ta mbingarkoj veten time me shumë punë”, ka vijuar aktorja.
Ajo thotë se Viktorias nuk i mungon në asnjë moment as mami as babi, nga mirëkuptimi i të dyve.