Në malin e Balgjajt gjendet kompleksi më i madh i liqeneve akullnajore në Shqipëri. Mali i Balgjajt ndan bashkitë Klos, Mat, Dibër dhe Bulqizë.
Të vendosur në një lartësi mbi 1800 m mbi nivelin e detit, ato përbëjnë ekosistemin më të vjetër natyror që ne trashëgojmë sot.
Mungesa e infrastrukturës dhe promovimit ka bërë që pak njerëz të kenë informacion mbi këto liqene.
Inxhinieri Abdulla Diku shprehet se: “Tashmë duket se media por veçanërisht nga pushteti vendor po kthehet vëmendja ndaj këtyre liqeneve, të cilët meritojnë të jenë pjesë e sistemit tonë kombëtar të zonave të mbrojtura. Kuptohet që duhet edhe shumë punë nga bashkitë përkatëse në drejtim të mbrojtjes dhe promovimit të këtyre ekosistemeve”. /tirananews.al/
