Në Këngën Magjike vijon prezantimi i këngëve pjesëmarrëse në finalen e dhjetorit, ndërkohë që sërish bien në sy shumë balada.
E fundit që prezantohet është ajo e Soni Malajt. “Anabel.al” shkruan se këngëtarja do t’i rikthehet festivalit me një këngë që titullohet “Shije tradhtie” dhe flet për një djalë që tradhton e kërkon falje.
Teksti është shkruar nga Ilir Berani, bashkëshorti i Gilit, ndërsa orkestrimin e ka realizuar Shpëtim Saraçi.
Për herë të parë, në një festival shqiptar muzike, Saraçi bashkëpunon me të birin, Drin.