Rreth dy muaj më parë reperja Rina Balaj u largua nga rrjetet sociale pa bërë asnjë njoftim për fansat e saj.
Instagram-i që ajo kishte dikur me më shumë se 500 mijë ndjekës mori emrin e kompanisë që e menaxhoi për disa kohë “On Record”.
Pas kësaj, Rina vendosi të qëndrojë larg rrjeteve sociale dhe hapi një të ri vetëm pak ditë më parë.
Tani ajo është aktive me postime ku ka publikuar disa foto të reja dhe ka njoftuar se po punon për një projekt muzikor.
Por, gjatë qëndrimit larg rrjeteve sociale, Rina ka kuptuar se ishte më e qetë dhe në atë mënyrë largonte njerëzit që e stresonin.
“Të them diçka për Instagram-in dhe për rrjetet sociale që i kam pasur edhe që nuk i kam më. Unë personalisht sipas përvojës time dymujore që isha pa rrjetet sociale edhe mungesa e Instagram-t të vjetër më ka bërë të mendoj që: “Rrjetet sociale nuk më bëjnë mua që të ndihem ajo që unë jam në të vërtetë. Për fansat e mi. Për mua nuk ka rëndësi Instagram-i i vjetër ose një ‘like’ që të ndihem mirë ose vetvetja. E dua veten kështu siç jam. E dua jetën!
Bëj atë që më pëlqen pa më treguar dikush si ta bëj apo si të vendos për jetën time. Jam e lirë dhe e pavarur nga rrjetet sociale dhe nga njerëzit që më shkaktojnë stres. Ju flas nga përvoja, nuk po flas vetëm për të thënë që thashë diçka. I dua njerëzit që vendosin vetëm veten. I dua njerëzit e pavarur, njerëzit që punojnë në vetvete pa lënduar askënd. Fillo edhe bëj atë që gjithmonë të ka thënë zemra. Rrjetet sociale krijojnë urrejtje të kotë. Janë Fake. Puno me veten, merru me veten, ndihmoj njerëzve që kanë nevojë, mos krijo urrejtje. 1 herë kemi për të jetuar, le ta bëjmë siç duam vetë”, shkruan Rina në Instastory.