Ish-kryeministri Sali Berisha i ftuar në emisionin “360 Gradë” në RTV Ora, e gjen me vend pakënaqësinë e Metës me partitë politike dhe thotë se po lufton në një terren të vështirë.
Por sa i takon opozitës, Berisha shprehet se të bërit opozitë është e vështirë, pasi edhe udhëheq, por edhe të udhëheqin.
“Çfarë ndodh kur je në opozitë? Por dhe jashtë saj. Në tërësi të udhëheq por edhe të udhëheqin. Opozitën po e udhëheqin masat e gjëra të të rinjve që po shpërthejnë stadiume njësoj si dikur për Nicolae Ceaușescu e pashembullt kjo që ka ndodhur në stadiumin e vëllezërve Xibraka dhe po shëtit nga stadiumi në stadium si verdikt përfundimtar ndaj Edi Ramës. Në këtë rast çfarë mund të themi? Po udhëheq popullin”, tha Berisha.
Ish-kryeministri Sali Berisha është për rikthimin e protestave të opozitës, pasi sipas tij protesta është e vetmja gjuhë me të cilën mund të flitet me këtë qeveri.
“Jam i sigurt që opozita do tu kthehet protestave. Po të më pyesësh mua që nesër por varet si i përllogarisin. Kur më pyet Basha vetëm këto fjalë i them. Nuk kam dy palë fjalë, një për publikun dhe një për kryetarin e PD. Unë një qëndrim kam. Në opinionin tim çdo ditë që qytetarët nuk dalin në protestë është një mungesë e madhe.
Protesta dhe vetëm protesta është gjuhë me të cilën mund të flitet me narkoshtetin dhe bosët e tij.
Unë jam për protestë permanente derisa, në kuptimin figurativ, Rama me gjithë pushtetin e tij të përfundojë në Lanë.
Çdo ditë që shtyhen zgjedhjet është një faturë e tmerrshme për shqiptarët, duhet të zhvillohen një orë e më pare” tha ish-kryeministri.