Protesta e minatorëve të Bulqizës u paralajmërua dy ditë më parë. Nuk është as Sindikata e Pavarur dhe as Konfederata e Sindikatave që protestojnë në hyrje të minierës kryesore të Bulqizës, por është Sindikata e Minatorëve të Bashkuar, e themeluar vetëm para pak ditësh.
Fillimisht minatorët kërkuan rikthimin e menjëhershëm të kryetarit të kësaj sindikate Debreshi në punë si dhe renditën një sërë kërkesash të tjera. Ata thanë se trajtimi i tyre brenda ambjenteve të punës është skllavërues pasi punojnë nën presionin e vazhdueshëm të drejtuesve të minjerës.
Protesta e zhvilluar para hyrjes të minierës nuk pati incidente, ndërsa protestuesit lajmëruan rikthimin e tyre deri në plotësim të kërkesave. Kjo është protesta e parë pas shtatë vitesh në qytetin e Bulqizës. /tirananews.al/
