Napoli po kalon një moment të vështirë në fushë dhe jashtë saj ndërkohë që sjellja e futbollistëve, u ka kushtuar shtrenjtë duke qenë se trajneri De Laurentis u ka vënë gjoba të majme lojtarëve. Të gjithë futbollistët, do të paguajnë dënimet ndërkohë që nga Italia ka ardhur një propozim interesant.
Fakti që Shqipëria është goditur nga një tërmet i fortë, ka solidarizuar shumë njerëz dhe tifozët e Napolit kanë përfituar nga postimi i klubit në mbështetje të Shqipërisë, duke kërkuar që gjobat e futbollistëve të kthehen në kontribut për Shqipërinë. Këto kërkesa të tifozëve, kanë bërë bujë në Itali dhe të shumta janë mediat që e kanë pasqyruar diçka të tillë.
Tashmë mbetet të shihet se si do t’i marrë klubi këto komente dhe nëse do të bëjnë që të jepen në drejtim të shtetit shqiptar për familjet në nevojë, por natyrisht kërkesa e tifozerisë është për t’u duartrokitur.
