1. Siç mund ta keni lexuar shumë herë: Mos u alarmoni nga pas-goditjet. Do të vazhdojnë për disa kohë me radhë !
2. Bëni kontroll paraprak të banesës suaj.
Edhe nëse tërmeti nuk ka dëmtuar objektin ku jetoni, kontrollojeni atë. Fillimisht shihni nëse pallata ka ndryshuar apo jo pjerrësinë. Eshtë gjeja që duhet bërë me urgjencë!
3. Në rast se vini re një ndryshim kërkoni inxhinierë të specializuar të bëjnë vlerësimin. Ata mund t’i merrni privatisht ose të lajmëroni bashkinë e qytetit për një kërkesë të tillë. Më tej, janë ata që do të vlerësojnë dhe vendosin nëse ndërtesat janë apo jo mjaftueshëm të sigurta.
4. Edhe qytetarët e rastësishëm mund të vënë re ndyshime.
Në raste kaq emergjente, marrja e inspektorëve të autorizuar kërkon kohë, prandaj e mira është që çdo qytetar të qëndrojë vigjilent. Nëse ka një dëmtim të dukshëm në strukturë, të njoftojnë menjëherë.
Si të bëhet kontrolli?
* Fillimisht hidhini një sy pjesës së jashtme në të gjitha anët e ndërtesës.
* Shihni nëse ka plasaritje në tokën ku banesa është ndërtuar. Mund të shihni ndarje muresh/kolonash.
* Bëni kujdes kur hyni në banesa. Ndonëse në dukje mund të ketë dëmtime të vogla, dëmi mund të jetë në vende më pak të dukshme. Kërkojini ekspertit të shoh me kujdes tavanin, apo muret ndarëse.
5. Nëse vini re që struktura e shtëpisë është dëmtuar, braktiseni menjëherë dhe njoftoni autoritetet, për të parandaluar një rrëzim të mundshëm në të ardhmen.
6. Që në momentin e parë që do të keni kontakte me ekipin e vlerësuesëve, bashkëpunoni me ta. Thuajini çdo informacion të mundshëm që keni rreth banesës, pasikjo do t’i ndihmonte edhe më. Mos qëndroni pranë tyre gjatë kohës që ata punojnë, por jepini çdo informacion të mundshëm.