Dorina Mema, një personazh mjaft i dashur, është bërë protagoniste në ndihmën e familjeve të prekura nga tërmeti. Ajo ka shkruar vazhdimisht në “Instagram”, në mënyrë që të sensibilizojë njerëzit për të dhënë kontributin e tyre.
Gjithashtu ajo është parë në video teksa ka qenë prezente në disa familje të prekura nga tërmeti, por edhe në qendrat e shpërndarjes së ndihmave ku ka shpërndarë edhe vetë ajo ndihma për të prekurit nga tërmeti.
Dorina ka qenë në Durrës, Shijak dhe aktiviteti i saj aktualisht është përqendruar në Krujë. Ajo ka shkuar në Shkup të Maqedonisë për të mbledhur edhe atje ndihmat.
“Po nisen nga Shkupi për Krujën dhe Laçin, mirënjohje Maqedonisë, s’di ç’të them për përkrahjen, por mungon organizimi në terren, forcat policore e ushtritë janë përqëndruar në kampe, por kur del rrugëve, shikon njerëz të varfër mbledhur me batanije, duke fjetur jashte ne mjerim e varferi, dikush kerkon ushqim dikush batanije. Do doja shume te dilnit ne terren te gjithe se vec ashtu mund te jemi me ndihmues sepse jane shume Zona. Do ta kalojmë dhe këtë sprovë me lot shumë e mos harroni se pas çdo stuhie vjen një diell i fortë e mirësia do ta pushtoje këtë vend, s’ka si vendi ynë, duajeni fort, fort”, shkruan Dorina.
Ajo ka ndarë gjithashtu një tjetër moment me ndjekësit e saj, ku tregon se qeni
i saj nuk do të futet brenda në shtëpi, por ajo nuk mund të merret me të sepse
i duhet të shkojë në zonat e prekura nga tërmeti për të ndihmuar njerëzit.
Respekte për ty Dorinë, një shembull i jashtëzakonshëm i humanizmit!