Momenti kur anëtarë të armatosur të kartelit hyjnë në një spital meksikan dhe rrëmbejnë një pacient me gjithë barrelë, është xhiruar nga kamerat e sigurisë dhe videoja po bën xhiron e botës.
7 persona me maska, që mendohet se janë pjesë e kartelit Santa Rosa de Lima, shihen duke kontrolluar një nga një dhomat e spitalit në Guanajuato.
Ata mbajnë peng një nga rojet dhe e detyrojnë që t’i tregojë se ku është shtruar shënjestra e tyre.
Më pas, shihen duke nxjerrë pacientin bashkë me barrelë.
Disa orë më vonë, ky pacient u gjet në rrugë, i mbështjellë me çarçaf të bardhë dhe i masakruar.