Tre persona kanë mbetur të plagosur në një aksident rrugor që ndodhi mbrëmjen e sotme në aksin problematik Elbasan- Peqin.
Policia lokale sqaron se midis të plagosurve është edhe një fëmijë 6 vjeçar.
Ngjarja ka ndodhur pasi një mjet tip “Skoda” është përplasur me një furgon tip Benz dhe për pasojë kanë mbetur të dëmtuar drejtuesi i mjetit të fundit dhe dy pasagjerë, përfshirë një fëmijën.
Njoftimi i Policisë së Elbasanit:
Në aksin rrugor Elbasan- Peqin, në fshatin Përparim, mjeti tip “Skoda”, me drejtues shtetasin R.M., 29 vjeç, banues në Fier, është përplasur me mjetin furgon tip “Benz”, me drejtues shtetasin A.K..
Si pasojë e aksidentit janë lënduar drejtuesi i mjetit fugon dhe dy pasagjerët shtetasit L.S., 28 vjeç, dhe F.H., rreth 6 vjeç, të cilët janë transportuar në Spitalin e Elbasanit dhe ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e shkakut të aksidentit.