Dy shqiptarë, të afërm me njëri tjetrin, janë arrestuar nga Byroja e Pasurive Kriminale në Irlandë, pasi akuzohen se janë kreret e një bande. Duke u referuar mediave vendase bëhet me dije se të arrestuarit ishin në kërkim prej kohësh për shumë ngjarje të ndodhura në Irlandë.
Hetimet e kryera kanë zbuluar se dy shqiptarët, e emrat e të cilëve nuk bëhen të ditur, në bashkëpunim edhe me persona të tjerë, rezultojnë të jenë përfshirë në veprimtari të paligjshme si trafik droge dhe trafik të qenieve njerëzore.
Më tej mediat vendase shkruajnë se përfitimet që siguronin shqiptarët nga ky aktivitet kriminal, i investonin në ngritjen e bizneseve si në makina, por edhe në restorante. Pas arrestimit të tyre, policia sekuestroi disa makina luksoze, para cash, si dhe orë të shtrenjta.
Më tej “The Irish Sun” shkruan se një burim i ka thënë se “hetimi kishte në shënjestër të një bande që po përfitonte nga një gamë e gjerë veprimtarish kriminale, duke bërë shuma të mëdha parash.
