Seks apo 1 mijë euro për një notë në Fakultetin Ekonomik. Profesori Bobek Shuklev në mënyrë indirekte i ka ofruar studentes t’i japë gjashtë kaluese, por ajo e ka refuzuar ofertën, duke pranuar më mirë pagesën në lekë.
Kjo ka ndodhur në vitin 2015 dhe 2016, ku profesori ka qenë një 65-vjeçar. Këto detaje, në gjykimin e “Erasmus” i bëri të ditura Dejan Trajkoviq, i cili në atë kohë ka punuar në lokalin e fakultetit. Mësohet se ndërhyrje për notë ka pasur nga dy vajza, njëra prej të cilave ka qenë shtatzënë dhe ku profesori ka kërkuar vetëm lekë në dorë. Mësohet se ato kanë pyetur Trajkoviqin nëse mund të ndikojë tek Shuklevi për notë.
“Ai pyeti se si e ka emrin, më pas tha se nuk ka shans sepse ka qenë studente e dobët. Më pas përsëri më thërriti dhe më tha “nëse do të kem seks me të do të ketë notë, nëse jo, do të duhet të paguajë 1 mijë euro”. I tregova vajzës, e cila më tha se familja e saj punon në Gjermani dhe do ta paguajë, por nuk do të ketë seks me të. Unë ia përcolla. Profesori më tha se “do të doja të kem seks me të sepse është shumë e bukur, por le të paguajë”. Ia përcolla edhe vajzës”- tha Dejan Trajkoviq, dëshmitar në “Erazmus”
Profesorët akuzohen për veprat penale marrje të ryshfetit, marrje të shpërblimit për ndikim të paligjshëm dhe shpërdorim të detyrës. Në qershor të vitit 2016, policia bastisi fakultetin, tre muaj më vonë Prokuroria paditi pesë profesorë.