Florian Agalliu prej disa kohësh ka konfirmuar se nuk do të jetë më pjesë e “Top Channel”.
Ai u largua nga emisioni “Në shtëpinë tonë” bashkë me bashkëshorten Renisa Shabani, e cila ishte autore e programit që prej fillimit të tij.
Moderatori nuk tregoi një arsye specifike, por së fundi ai ka zbuluar në një intervistë për Kastro Zizon, se i ishte cënuar dinjiteti.
Pas largimit të tij, të gjithë nisën të vinin në dyshim vazhdimësinë e emisionit dhe burime për “Neës 31” bëjnë me dije se tani ai nuk do të transmetohet më në ekran.
Nga data 6 janar do të nisë një format i ri në “Top Channel” me autore Olsa Muhameti.
Emisioni i është besuar prezantuesit Flor Gjini dhe pritet të shohim diçka shumë ndryshe gjatë paradites.
Mësohet se Flori nuk do të jetë i vetëm, megjithatë ende nuk është zbuluar bashkëprezantuesja e tij në emision.