Gazetari i njohur Adi Krasta i rikthehet ekranit.
Këtë herë ai ka zgjedhur të bëhet pjesë e një televizioni në Kosovë, “T7”.
Lajmin në fjalë e ka bërë të ditur gazetari Berat Buzhala.
“Sonte në T7 fillon një emision i ri. Presidenti e mban fjalën: Ftesa e realizuar për një gazetar të njohur shqiptar të përndjekur nga Edi Rama në Shqipëri për t’u bërë pjesë e T7’shit është bërë realitet. Emisioni i tij fillon në ora 21.00.
Liri e plotë editoriale. Për çdo kënd dhe për kudo. Liri të plotë për të kritikuar qeverinë e Shqipërisë, atë të Kosovës, të Maqedonisë, te Turqisë, te Amerikës. Qëndroni para T7’shit sonte.
Asnjë dorë e asnjë politikani nuk është aq e gjatë dhe aq e fuqishme sa të mbërrijë deri në Express dhe T7”, shkruan Buzhala në rrjetin social Facebook.