Midis impenjimeve të shumta duket se këngëtarja e njohur, Ingrit Gjoni ka gjetur kohën e duhur për të realizuar një set fotografik profesional së bashku me djalin e saj, Parid. Ajo ka ndarë në llogarinë e saj në ‘Instagram’ një foto ku shfaqet së bashku me vogëlushin me pakon e dhuratës në duar, poshtë pemës së Krishtlindjeve.
“Gëzuar festat nga ne për të gjithë shqiptarët”, ka shkruar Gjoni bashkangjitur postimit të fundit në rrjetet sociale, ku shfaqet mjaft e qeshur me Paridin.
Ditën e djeshme këngëtarja publikoi edhe disa video ku dukej se ai që kujdesej për fotot profesionale ishte djali i saj, i cili i sugjeronte poza të ndryshme. Këto pamje nuk kaluan pa u komentuar nga të gjithë ndjekësit dhe të afërmit e Ingritit, të cilët kanë pohuar e Parid ka shumë talente.
Kujtojmë se përveç angazhimeve në familje, Gjoni ka sjellë rreth një muaj më parë një projekt të ri muzikor, i cili është pritur mirë nga të gjithë fansat e saj.
