Disa aktivistë të lëvizjes Vetëvendosja janë mbledhur mbrëmjen e sotme në Bulevardin Dëshmorët e Kombit për të kundërshtuar vizitën e presidentit të Serbisë Aleksandër Vuçiç, i cili ka mbërritur në Tiranë në kuadër të Samitit të Mini-Shengenit i cili zhvillohet përgjatë këtyre dy ditëve.
Ata thonë se Vuçiç është një kriminel, që nuk duhet të jetë në Tiranë në një samit ku Kosova nuk merr pjesë. Protesta e tyre ka shtuar edhe forcat e policisë në këtë zonë.
