Lacio ka arritur të fitojë Superkupën e Italisë kundër Juventusit. Lacialët i shkaktojnë humbjen e dytë Juventusit këtë sezon duke i rrëmbyer kështu edhe Superkupën.
Skuadra e drejtuar nga Inzaghi ka fituar sërish 1-3 ashtu si disa javë më parë, por këtë herë vlen SuperKupa e fituar. Në fillimi ishte Luis Alberto që shënoi golin e parë në minutën e 16-të, ndërsa Dybala barazoi në fund të pjesës së parë. Në të dytën, kapiteni Lulic dhe në fund Cataldi me një supergol nga faulli vendosi fitoren e ndeshjesh dhe marrjen e Superkupës.