Mbremjen e djeshme është mbajtur finalja e “Festivalit të Këngës” në Pallatin e Kongreseve. Fituese u shpall Arielna Ara me këngë ‘Shaj’, e cila do të përfaqësojë Shqipërinë në Eurosong.
Gara ishtë e fortë, referuar edhe sondazheve që listonin në ‘top list’ treshen e vajzave Elvana Gjata, Arilena Ara dhe Era Rusi, ndërsa fituesja u shpall ‘Shaj’ e Arës.
Performanca e Arilenës me këngën “Shaj” u duartrokit gjatë. Pasi këndoi, ajo u kthye nga duartrokitjet e publikut tri herë në skenë.
Megjithatë një reagim i këngëtares shqiptare Julkës, partneres së menaxherit të Elvana Gjatës, Andit si dhe një nga personat më të afër të këngëtares po ngjall jo pak fjalë në rrjet.
Postimi i Julkës:
Ah, sa rastësi e bukur! Të gjithë fansat e njërës prej artisteve në një cep dhe me karrige të shtuara. Paci fat por në Eurovizion biletat janë shumë shtrenjtë dhe nuk shtohen dot karrige!