Kreu i L.Vetëvendosje, Albin Kurti i cili fitoi zgjedhjet në Kosovë, ka reaguar në lidhje me nismën për Shengenin Ballkanik, që mbajti samitin e tretë në Tiranë ditën e djeshme. Në një status në rrjetet sociale, Kurti shprehet se rruga nga Beogradi në Tiranë kalon nëpër Prishtinë dhe se tashmë Kosova ka nevojë për më shumë bashkëpunim jo konfrontim.
“Parimet e gjithëpërfshirjes dhe reciprocitetit duhet të udhëheqin iniciativat rajonale. Rruga nga Beogradi për në Tiranë kalon nëpër Prishtinë. Ne jemi dhe gjithmonë do të jemi një popull dhe askush nuk mund të qëndrojë mes nesh. Ne kemi nevojë për më shumë bashkëpunim jo konfrontim!” shkruan Albin Kurti.