Një ngjarje e rëndë është regjistruar në Shkodër, ku në rrethana ende të paqarta një fëmijë rreth 1 vjeç e gjysmë është dërguar në spital në gjendje kome. “Balkanweb” raporton se fëmija është gjetur i aksidentuar në afërsi të urës se Bardhajve të njësisë Rrethina.
Ka qenë drejtuesi i një mjeti tip ‘Benz’ që e ka dërguar në spital duke thënë se fëmijën e ka parë të vetëm në rrugë të aksidentuar dhe në gjendje të rëndë.
Ndërkohë është njoftuar edhe policia e Shkodrës për ngjarjen. Ndërkohë pak minuta më vonë në spital është paraqitur dhe babai i vogëlushit, i cili ka pohuar se djali kishte rënë nga dritarja.