“Air Albania Stadium” do të hapë sërish dyert në një ndeshje që do të mbledhë të ardhura për të prekurit nga tërmet shkatërrues i 26 nëntorit.
Andi Lila, kreu i “Sindikatës së Futbollistëve”, prej kohësh është angazhuar për të zhvilluar një ndeshje miqësore mes veteranësh.
Ndeshja Turqi-Greqi do të realizohet në stadiumin e ri shqiptar në datën 10 janar të viti 2020. Ata do të rikthehen në vendin tonë, aty ku u mundën kohë më parë. Do të ketë lojtarë që kanë luajtur me kombëtaren shqiptare, ndërkohë që këtë organizim do e mbështesin edhe yje të Italisë kampione bote të vitit 2006.
Gjithashtu do të ketë veteranë të Turqisë, që në vitin 2002 zuri vendin e tretë në kampionatin botëror të Japonisë. Të gjitha të ardhurat e biletave do të shkojnë në ndihmë të të prekurve nga tërmeti.
Kujtojmë që edhe në ndeshjen Tirana-Partizani, të mbajtur në “Air Albania”, të ardhurat nga shitja e biletave shkuan për të prekurit e tërmetit të 26 nëntorit.