Ilda Bejleri ka provuar fatin në emisionin “Dilema” në Top Channel, ku madje dhe ka arritur të fitojë. Ajo tha se paratë do i dhuronte për bamirësi për familjet e prekura nga tërmeti.
Ilda kishte zgjedhur numrin 19, ditëlindjen e saj, kuti e cila kishte 1 milion lekë të vjetra.
Por nga mënyra se si i shkoi loja, Ilda pranoi ofertën duke lënë dy kutitë e fundit, të sajën dhe një tjetër me 5 milionë lekë të vjetra.
‘Kjo është lojë që provon edhe karakterin e njeriut”, tha Ilda teksa nënvizoi se shuma ishte e destinuar për bamirësi. Ndërsa tha se puna me lekun është e vështirë, ndaj më mirë preferoi të ndalej tek oferta se sa të vijonte deri në një fund që nuk dihej si do shkonte.