Lady Gaga ka qenë në qendër të vëmendjes vitin që shkoi ku u përfol mjaft për një lidhje të sajin me Bradley Cooper, po mesa duket nuk është ai mashkulli i jetës së saj.
Këngëtarja është kapur mat natën e ndërrimit të viteve duke u puthur me një mashkull misterioz.
Sipas dëshmitarëve në restorantin “NoMad” ku Gaga po festonte, emri i atij që duket si i dashuri i saj i ri është Michael, por asgjë më tepër nuk dihet për të.
Gjithashtu një fanse e ka filmuar këngëtaren duke dalë nga restoranti dorë për dore me Michael-in misterioz teksa ata largohen së bashku.
Vitet e fundit nuk kanë shkuar ekzaktësisht vaj për Gaga-n në planin sentimental.
Vetëm dy muaj më parë ajo u nda nga inxhinieri i audios Dan Horton për shkak se ai ishte tepër i papjekur për këtë.
Kjo erdhi pasi ajo prishi fejesën me Christian Carino-n, gjë që ndodhi pikërisht në periudhën kur ajo u përfol për një lidhje me Bradley Cooper.
