Qëkurse u shfaq në spektaklin e humorit “Portokalli” në rolin e Kimikatit, Olsi Bylyku është shndërruar në një prej aktorëve më të dashur të humorit në vendin tonë.

Dhe për të gjithë fansat që mezi presin të zbulojnë detaje nga jeta personale e Olsit, ka një të re!

Prej disa kohësh përflitet se aktori është në një lidhje dashurie dhe mesa duket zërat paskan qenë të vërtetë. Bylykut ia ka vjedhur zemrën një vajzë bukuroshe nga Tirana, e cila quhet Egli.

Dyshja deri më tani është përpjekur ta mbajë të fshehtë lidhjen, por duket se gjërat po ndryshojnë.

Në një foto të siguruar nga “iconstyle.al”, Olsi dhe Egli shihen të përqafuar në dëborë, foto kjo e postuar nga vetë bukuroshja brune në rrjetet sociale.

Burimet bëjnë me dije se ata janë së bashku prej disa muajsh dhe mëse të dashuruar.

Por a do të kemi një konfirmim publik të lidhjes nga ana e aktorit? Mbetet për t’u parë!