Kryeministri Edi Rama ka folur sot për raportet e tij me kreun e Partisë Demokratike, Lulzim Basha. I ftuar sot në emisionin “Java” në RTSH, Rama u pyet dhe për një emsazh që për shumë kohë ka qarkulluar në media, ku sipas drejtuesit të emisionit Lorenc Vangjeli, Kryeministri i ka shkruar Bashës: O Lul ku po shkon o burrë, o Lul po i bie murit me kokë!
Kreu i qeverisë ka mohuar një gjë të tillë, duke thënë se komunikime me të ka pasur para djegies së mandatave dhe në ditët pas tërmetit, ku sipas tij i kishte kërkuar që të ishin bashkë.