Lacio ia del ndaj Breshias në transfertë falë golit të Imobiles duke marrë tri pikët e tashmë e sheh vetën vetëm 3 pikë larg Interit dhe Juventusit, Një sfidë mjaft e bukur dhe e dyluftuar, madje nuk mungoi as kartoni i kuq për vendasit, pasi Cistana përfundoi jashtë.
Baloteli shënoi i pari, duke kaluar vendasit në avantazh e duke bërë që Strakosha të jetë i pari portier që pëson golin e parë në Vitin 2020 në Seria A. por, djemtë e Inzagit kanë barazuar me anë të Imobiles që ka shënuar nga pika e bardhë.
E madje, falë ngulmimit të lacialëve, do të jetë Imobile ai që do të shënojë golin e dytë dhe të fitores pa kaluar minuta e parë shtesë, duke i dhënë 3 pikë mjaft të rëndësishme lacialëve që janë futur në “shinat” e ekipeve pretendente seriozisht duke treguar një formë mjaft të mirë e duke koleksionuar 9 fitore radhazi ashtu si dhe në vitin 1999.