Gazetari dhe botuesi i “Koha Jonë”, Nikoll Lesi ka komentuar vitin politik që na pret përpara.
Sipas tij, gjatë vitit 2019 Edi Rama i mori të gjitha pushtetet, përfshirë edhe mediat, ndaj dhe pesha e pushteteve pritet ta rrëzojë para se këtë gjë ta bëjë opozita.
“Unë jam partizan i një aksioni vendimtar të opozitës këtë vit. Mund të them se, viti 2020 që kemi hyrë duhet të jetë viti vendimtar për dërgimin e vendit në zgjedhje të parakohshme, të padiskutueshme”, u shpreh Lesi.
Ai tha se, miratimi i ligjit për fatkeqësinë natyrore po përdoret nga kryeministri Edi Rama për ruajtjen e pushtetit të tij.
“Njerëzit janë të tejngopur me zemërim. Opozita të fillojë e të mos ndalojë. Zemërimi i akumuluar mezi pret të rrëzoijë qeverinë.
Duhet të nisin protestat e të mos ndalojnë si vitin e shkuar.
Rama, duhet e njohur edhe personalisht, ai është i pandalshëm në uzurpimin e pushteteve nëse nuk del një opozitë t’i dalë përballë.
Me protestë, me përballje. Rama njeh vetëm përballjen”, deklaroi Nikoll Lesi.
Ai u shpreh ndërkohë se Edi Rama e ka frikë Ilir Metën, pasi e njeh mirë këtë të fundit, ndaj duhet të bëjë kujdes me të.