Media rozë u fokusua mjaft në linjat trupore të Adele, kur këngëtarja u shfaq mjaft e dobësuar pas disa kohësh. Por si ia doli ajo të humbë kilogramët në aq pak kohë?
Camila Goods, trajneria që e ndihmoi të arrinte linjat e saj thotë se pesha i atribuohet një diete të rreptë, pasi këngëtares nuk i pëlqen të bëjë palestër.
Duke folur për “The Sun”, trajneria e fitnesit pohoi se humbja në peshë e këngëtares ndodhi kryesisht për shkak të dietës, sepse Adele-s nuk i pëlqen të ushtrohet.
Instruktorja u njoh me Adele përmes gruas së Robbie Williams dhe madje u bëri atyre një stërvitje të përbashkët në rezidencën në LA të këngëtarit.
“E trajnova Ayda-n për një kohë të gjatë dhe ndodh që ato janë mikesha të mira, kështu që unë u mora me Adele kur ajo ishte atje në shtëpinë e Robbie-t”, tha 36-vjeçarja Camila.
“Nuk besoj se i pëlqeu shumë stërvitja, por ajo ka ndryshuar stilin e jetës së saj dhe besoj se 90 për qind e dobësimit vjen nga dieta”.