E kush nuk e mban mend Benin e vogël, tek filmi aq i dashur për fëmijë që shihet me kërshëri dhe sot “Beni ecën vetë”? Epo Beni është rritur tashmë dhe flasim për Herion Mustafaraj, i cili i ftuar në Soiree në Top Channel foli rreth karrierës së tij.
Edhe pse roli që e bëri mjaft popullor është ai i Benit, Herioni ka luajtur dhe në një sërë filmash të tjerë para dhe pas viteve ’90.
Ai foli dhe për eksperiencën e tij në Amerikë, për të cilën tha se nuk u largua se kishte një ëndërr personale, por e shihte si shpëtim në atë periudhë.
“Mbaj mend njëherë binte një shi i madh tek Instituti jonë i Arteve edhe dikush tha ‘o Beni, Beni’ edhe më gjuajti me një gur. Unë thash që më gjuajti me ndonjë kumbull, ai më hodhi një gur këtu (tek syri) dhe më kërciti gjaku. E gjëmova deri tek pylli, por nuk e kapa dot. Duke qarë, sytë më nxirrnin gjak, filloi edhe shiu e në atë moment thashë ‘o Zot, më hiq që këtu, më ço vetëm në Amerikë, t’i puth njëherë këmbët kësaj statujës së Lirisë, pastaj le të vdes”, ka rrëfyer aktori.