Menduam se “lufta” mes dy reperëve, Noizy dhe Stresi, kishte përfunduar dhe marrëdhëniet e dy djemve ishin qetësuar, mirëpo Noizy e ka ndezur sërish zjarrin!
Në një postim në InstaStory, të cilin e ka fshirë më pas, reperi ka ironizuar Stresin.
Duke qenë se rrjeti social Instagram ka dhënë mundësinë që të shikosh sa herë është ndërruar emri i secilës llogari në rrjete sociale, Noizy është kapur me username-in e dikurshëm të Stresit, ‘vlonjati’.
Në postimin e tij, Noizy fton ndjekësit të gjejnë se cili nga VIP-at e ka pasur këtë emër në llogarinë e tij në Instagram.
“Vlonjatiii. Humor pa kufi”- shkruan reperi, duke e shoqëruar shkrimin me shumë emoji duke qeshur, siç mund ta shihni në foton e ruajtur nga “Prive.al”.
Mesa duket, mes djemve vazhdon të ekzistojë ende një luftë në heshtje dhe s’dimë si do të reagojë Stresi pak këtij thumbi të Noizy-t.