Organizata e Kombeve të Bashkuara (OKB) ka bërë një projeksion për popullsinë shqiptare dhe parashikon që të ulet me 30-40%
Popullsia e vendit në vitin 2100, bazuar në të dhënat e 2019-s, Shqipëria nuk pritet që të ketë me shumë se 1.9 milionë banorë, ose 31% më pak se parashikimi i një viti më parë (2.8 milionë persona).
Kjo shifër është publikuar nga OKB për të gjitha rastet, edhe në variantin optimist, pra nëse merret një nivel zero emigracioni dhe ecuri normale e normave të fertilitetit.
Në variantin e mesëm, Shqipëria nuk pritet të ketë më shumë se 1 milion banorë, nga 1.6 milionë banorë që ishte parashikimi në vitin 2018 për këtë skenar, me një ulje prej rreth 34%.
Rishikimi më i lartë është bërë për skenarin e ulët (normë të lartë emigracionit dhe fertilitet të ulët), në bazë të së cilin, në Shqipëri në vitin 2100, nuk pritet që të mbeten më shumë se 512 mijë banorë. Më parë, pritshmëria ishte për 860 mijë banorë, pra parashikimi është ulur me 40%. / Monitor
