Gazetarja e njohur e “Opinion”, krahu i djathtë i Blendi Fevziut prej shumë vitesh, do të braktisë emisionin për t’iu futur karrierës politike.
Kështu, mësohet se Desada Metaj do të jetë këshilltare e Lulzim Bashës në selinë blu.
Pas zërave që po qarkullojne prej ditësh, burime të besueshme konfirmojnë këtë lëvizje, raporton newsbomb.
Në fakt për selinë blu kjo nuk është një lëvizje surprizë pasi Metaj gjithnjë është lakuar si “këshilltarja underground” e kryedemokratit, por mesa duket tashmë gjithçka do të zyrtarizohet dhe gazetarja do mund të shfaqet publikisht hapur.
Mbetet për t’u pare se çfarë do të ndryshojë në PR-in e Bashës tani që gazetarja do të jetë edhe “de juro” në krah të tij.
Basha në ekipin e tij, përgjithësisht ka zgjedhur si bashkëpunëtorë të ngushtë emra që vijnë nga rradhët e gazetarisë siç është edhe Elona Meço, shefja e zyrës së shtypit në PD.