Kreu i shtetit Ilir Meta e ka quajtur një fillim të vendosjes së dialogut marrëveshjen e arritur mes palëve politike për reformën zgjedhore, që sipas tij do të ndihmojë integrimin evropian të vendit.
Meta ishte i ftuar në Rubikon të gazetarit Adriatik Kelmendi ku bëri këtë deklaratë: Marrëveshja e arritur për reformën zgjedhore, uroj të jetëfillimi vendosjes së një dialogu strukturor e të qëndrueshëm për çështje të interesit të përbashkët, që ndihmojnë integrimin europian të Shqipërisë.
Ndërsa për çeljen e negociatave kreu i shtetit është shprehur skeptik se do të ndodhë në maj, pasi sipas tij mund të hapen nëse do të ketë angazhim për kushtet e Bundestagut.
“Negociata mund të hapen në qoftë se do të ketë një angazhim se ato kushtet e Bundestagut të adresohen në një mënyrë shumë të shpejtë dhe jo duke i zvarritur. Me këtë ritëm unë nuk shikoj ndonjë perspektivë serioze për në maj”, tha Meta.