Një tjetër i burgosur ka përfunduar në dyert e spitalit i shoqëruar në masa të rrepta policore.
Bëhet fjalë për Altin Avdylajn, vëllain e kreut të bandës së Shijakut, Astrit Avdylaj, i cili ndodhet pas hekurave për trafik droge.
Emri i tij i njohur si Niçja, doli edhe në përgjimet e Dosja 339 për manipulim të zgjedhjeve në zonën e Durrësit. Ai u shfaq ne pergjime me ish kryebashkiakun e Durresit, Vangjush Dako.
Avdylaj është shoqëruar nga efektivët në Poliklinikën e Specialiteteve nr. 3.
Siguria në burgje është sjellë në vëmendjen e publikut kur pak ditë më parë ishte Dritan Dajti ai që u pa në zonën e Ish-Bllokut në Tiranë ku kishte shkuar për shërbim dentar. Ndërkohë që edhe lirimi i Endrit Dokles nga Gjykata e Krujës janë ndër skandalet në fokus të opinionit publik.
Lexo edhe- Dritan Dajti si bos në ish-bllok