Dita e parë e punës për deputetët për këtë vit është kjo e hënë, me seancën e parë plenare për sesionin e ri parlamentar.
Kryeparlamentari Ruçi ka firmosur urdhrin për të thirrur seancën e nesërme, në të cilën do të bëhet edhe prezantimi i projektligjeve që janë depozituar në Kuvend.
Po nesër, në orët e paradites, pritet që të ketë edhe një mbledhje të Kryesisë së Kuvendit, ku do të bëhet diskutimi dhe miratimi i programit për prioritetet e punës së Kuvendit si dhe kalendari i punimeve.
Mbetet për t’u parë nëse reforma zgjedhore do të zërë vend sërish në këtë kalendar. /tirananews.al
